Kylian Mbappé hefur lokið tuttugu ára samstarfi sínu við Nike og samið við svissneska íþróttamerkið On. Frakkinn hóf samstarf við Nike aðeins níu ára gamall og varð síðar eitt helsta andlit merkisins í knattspyrnu.
Samningurinn við On felur bæði í sér greiðslur og eignarhlut. Fyrirtækið hefur hingað til verið þekktast fyrir hlaupaskó og tennisvörur en hyggst nú sækja af krafti inn á fótboltamarkaðinn. Fyrstu fótboltaskór þess eiga að koma í almenna sölu á næsta ári.
Thierry Henry hefur jafnframt verið ráðinn yfirmaður knattspyrnumála hjá On. Mbappé segir tækifærið til að hafa áhrif á þróun nýrrar vöru hafa vegið þungt í ákvörðuninni.
Mynd: Bryan Berlin / Wikimedia Commons, CC BY-SA 4.0.
